«ՀՀ որևէ իշխանության օրոք նման բան չի եղել»․ Գևորգ Պետրոսյան

ԱԺ նախկին պատգամավոր Գևորգ Պետրոսյանը 168TV-ի եթերում հայտարարել է, որ ՀՀ-ում նախկինում ևս եղել են քաղբանտարկյալներ, սակայն քաղաքական բանտարկյալի կարգավիճակում հայտնվում էին մարդիկ, որոնց ծանր արարքներ էին վերագրվում, մինչդեռ այսօր իրավիճակն այլ է․ «Հայաստանը բռնապետության, խուժանապետության և պոռնկապետության բաստիոն է։ Էն մարդը, որը խոսում է ժողովրդավարությունից, նկատի ունեմ՝ գլխավոր անթրաշը, միշտ շահարկում էր մի քանի թեմա, առաջին հերթին՝ քաղբանտարկյալների առկայությունը։ Եվ այսօր այդ երկոտանին չի ուզում ընդունել, որ Հայաստանում աննախադեպ քանակի քաղաքական բանտարկյալներ կան»։ Այս համատեքստում Պետրոսյանն անդրադարձել է նաև Տաթև Վիրաբյանի՝ Տաթև Արցախի կալանավորմանը․ «Այս աղջիկը, լինելով զոհվածի քույր, օգտվել է ՀՀ Սահմանադրությամբ իրեն վերապահված՝ կարծիք արտահայտելու ազատության իրավունքից։ Ո՞նց կարելի է կարծիք արտահայտելու համար երկու մանկահասակ երեխաների մորը կալանավորել։ Սենց բան երբեք չի եղել, ՀՀ որևէ իշխանության օրոք նման բան չի եղել»։