«Ինքնիշխանությունը դարձել է զուտ քարոզչական թեզ, իսկ իրականում այն գոյություն չունի». Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Երբ օրվա իշխանությունները, իրենց «դեսպանները» և իրենց մերձակա «փորձագետները» սկսում են բացատրել «խաղաղության գործընթացի» էությունը, սկսում են խոսել ճանապարհային քարտեզի մասին, հասկանում ես, թե ինչքան ողորմելի վիճակում են պահում մեր երկիրը։
Երբ նույն դեմքերը սկսում են խոսել «ինքնիշխանության մասին», հասկանում ես, որ քո երկրի ինքնիշխանությունը դարձել է զուտ քարոզչական թեզ, իսկ իրականում այն գոյություն չունի։ Ու ինչքան շատ են խոսում ինքնիշխանության մասին, այնքան ավելի ես տագնապում, որ կարող է անգամ պետության գոյությունը վտանգեն, զուտ քարոզչական թեզերով ժողովրդին կերակրելու համար»։