«Մարդիկ, ովքեր չունեն ո՛չ համապատասխան փորձ, ո՛չ գիտելիքներ, որոշում են երկրի ճակատագիրը»․ Տիգրան Թորոսյան

ТАСС-ի հաղորդմամբ, նոյեմբերի 10-ին ելույթ ունենալով բրյուսելյան համաժողովի ժամանակ, ՀՀ ԱԽ քարտուղար Արմեն Գրիգորյանն ասել էր. «Հայաստանում, իհարկե, կա եվրոինտեգրման գաղափար, բայց կա նաև արտադաշինքային պետություն դառնալու գաղափար: Մենք լսում ենք քաղաքացիական հասարակությանը և փորձում հասկանալ, թե որ գործիքները կարող են լավագույն պայմաններ ապահովել Հայաստանի, տարածաշրջանում անվտանգության, խաղաղության և զարգացման ապահովման համար»։

ԱԺ նախկին նախագահ, քաղաքագիտության դոկտոր Տիգրան Թորոսյանը 168TV-ի եթերում անդրադառնալով Գրիգորյանի հայտարարությանը՝ ասել է․ ««Արտադաշինքային» նշանակում է՝ պետությունը կամավոր ստանձնում է որևէ դաշինքի մաս չկազմելու պարտավորություն, ինչպես, օրինակ, Շվեյցարիան է։ Դա էնպիսի մի գաղափար չի, որ՝ երբ, որտեղ, ինչպես ուզես՝ կարող ես կիրառել։ Ուշադրություն դարձրեք, որ չի խոսվում մասնագետների մասին, խոսվում է հասարակական կազմակերպությունների մասին։ Ցավոք սրտի, մարդիկ, ովքեր չունեն ո՛չ համապատասխան փորձ, ո՛չ գիտելիքներ, այսօր որոշում են երկրի ճակատագիրը․․․ Ակնհայտ է, որ ՌԴ-ը շատ անընդունելի քայլեր է արել, բայց սա չի նշանակում, որ պետք է անցնել փողոցի ճղճղացող, իրար վերջին բառերով անպատվող կանանց ռեժիմին»,- նշել է Թորոսյանը։