«Արցախի հարցը հայկական օրակարգում պահելը արժանապատվության հարց է». Մեսրոպ Առաքելյան

«Ապրելու երկիր» կուսակցության համահիմնադիր Մեսրոպ Առաքելյանը գրում է․ «Ողջունելի են ԱՄՆ Քոնգրեսում Արցախի վերաբերյալ լսումները, որտեղ անդրադարձ է կատարվել նաև արցախցիների՝ Արցախ վերադարձի հնարավորությունների մասին։

Թեև արցախցիների իրավունքների մասին միջազգային հանրության արձագանքները կոչերից և ելույթներից բացի, որևէ գործողության չեն հասել, սակայն անհրաժեշտ է, որ Հայաստանի արտաքին քաղաքականության օրակարգում ամրագրվի արցախցիների՝ Արցախ վերադարձի համար ՄԱԿ ԱԽ-ի մակարդակով միջազգային անվտանգային երաշխիքների տրամադրման անհրաժեշտությունը, և այդ ուղղությամբ աշխատանքներ իրականացվեն։

Միևնույն ժամանակ, հասկանալի է, որ գործող իշխանությունը, որն արեց առավելագույնը, որ Արցախի հարցը ամբողջովին դուրս մղի հայկական օրակարգից, ավելի է իրեն հեռացնելու Արցախի շուրջ որևէ քննարկումից։

Արցախի հարցը հայկական օրակարգում պահելը արժանապատվության հարց է»,- գրել է Առաքելյանը։