«Եվրոպան փոխվում է». Սուրեն Սուրենյանց

Քաղաքագետ Սուրեն Սուրենյանցի ֆեյսբուքյան գրառումը. «ԵՄ երկրներում տեղի է ունենում հասարակական կարծիքի տրանսֆորմացիա, որը, մի կողմից, վտանգներ է ծնում եվրոպական քաղաքական միասնության համար, մյուս կողմից՝ ցույց է տալիս, որ Եվրոպայում ժողովուրդը հոգնել է ուկրաինական պատերազմից: Հոլանդիայի խորհրդարանական ընտրությունների առաջատարը ուլտրաաջ «Ազատության կուսակցությունն» է՝ 35% քվեով, որի առաջնորդ Վիլդերսը հայտնի է այն փաստով, որ ամիսներ առաջ բոյկոտել է Զելենսկիի ելույթը Նիդեռլանդների խորհրդարանում:
Էական չէ՝ Վիլդերսին կհաջողվի՞, թե՞ ոչ, ձևավորել կաբինետ, ավելի կարևոր է եվրոպական հասարակությունների տրամադրությունների փոփոխությունը:
Ի դեպ, այս հանգամանքը շատ կարևոր պետք է լինի նաև Հայաստանի իշխանության համար, որի ներկայիս արտաքին քաղաքականությունը հիմնված է բացառապես պատրանքների ու միակողմանի ցանկությունների վրա»: