Երկուշաբթի, 23 փետրվարի, 2026 թ.
|
Ստեփանակերտում`   +6 °C

«Արդյունքում Հայաստանը մնալու է առանց անվտանգային արտաքին բաղադրիչի». Արտակ Զաքարյան

«Արդյունքում Հայաստանը մնալու է առանց անվտանգային արտաքին բաղադրիչի». Արտակ Զաքարյան
185
Հինգշաբթի, 23 նոյեմբերի, 2023 թ., 17:30

ՀՀԿ-ական գործիչ Արտակ Զաքարյանը տեսանյութ է տարածել իր էջում՝ կից գրառմամբ. «Նիկոլի իշխանության օրոք Հայաստանը ՀԱՊԿ-ից կամ ԵԱՏՄ-ից դուրս չի գալու, բայց ՀԱՊԿ-ի հետ սկսված նիկոլական այս էպոպեան լուրջ վնաս է հասցնում Հայաստանին:

ՀԱՊԿ-ը, որպես տարածաշրջանի համար պատասխանատու միավոր, ինչ-որ մի պահի դադարել է կատարել իր ստանձնած պարտավորությունները՝ կոնկրետ իրավիճակներից ելնելով և ունենալով հստակ բացասական վերաբերմունք այս կապիտուլյատն «իշխանությունների» հանդեպ:

Արտաքին քաղաքականության մեջ շատ կարևոր է վստահության գործոնը, ինչը բացակայում է փողոցից բուսնած պոպուլիստների նկատմամբ՝ սկսած 2018 թվականից: Աշխարհի ոչ մի կառավարություն սրանց լուրջ չի վերաբերվում, և յուրաքանչյուրն օգտագործում է իր շահերի համար:

Արևմուտքը ևս չի ապահովելու Հայաստանի անվտանգությունը և արդյունքում Հայաստանը մնալու է առանց անվտանգային արտաքին բաղադրիչի»:

Աղբյուրը`   Արտակ Զաքարյան