«Այսօր բանակցում են, որպեսզի Արարատ լեռան նշանը մեր զինանշանից հանվի». Ռուբեն Հակոբյան

ԱԺ նախկին պատգամավոր, քաղաքական գործիչ Ռուբեն Հակոբյանի ելույթը՝ «Հայաքվեի» խորհրդարանական լսումների ժամանակ. «Ես կարծում եմ, որ քաղաքացիներից շատերը լավ հասկանում են, որ այս նախագծի ընդունումը այս պահին գործնական որևէ նշանակություն չի կարող ունենալ, որովհետև այս օրհասական պահին բավականին ծանր իրավիճակում է Հայաստանը։ Մենք, նախ այս պահին, պետք է փկրենք, ունենանք պետություն, որ կարողանանք այս նախագծերն իրականցնել։ Ի վերջո, մենք այսօր խոսում ենք հետևանքի մասին։ Վաղը կարող է հետևանք լինել նաև այն, որ այսօր բանակցում են, որպեսզի Արարատ լեռան նշանը մեր զինանշանից հանվի, իսկ պատճառը բոլորս գիտենք․ քանի դեռ այս ազգակործան պատուհասը իշխանության է, մենք միշտ այսպիսի հետևանքներ ենք ունենալու։ Եվ մեր թիվ մեկ խնդիրը, որ պետք է անենք, անենք ամեն ինչ, որպեսզի հեռացնենք նրան իշխանությունից։ Ընդ որում հեռացնենք բոլոր միջոցներով, որովհետև հակասահմանադրական վիճակով ինքն այսօր պահում է իշխանությունը»,- ասել է Հակոբյանը: