«Հստակ ասեք՝ անկլավների հարց կա՞, թե՞ ոչ». տավուշցին՝ Փաշինյանին

Տավուշի մարզից Գարիկ Փայտյանը վարչապետից հետաքրքրվեց՝ ի վերջո անկլավների հարց կա՞, թե՞ ոչ, եթե այո, ապա ինչպե՞ս է այն հանգուցալուծվելու: Քաղաքացին խնդրեց բաց խոսել. «Նման հարց, այո՛, կա, բայց ի՞նչ է նշանակում այդ հարցը: ՀՀ-ի ու Ադրբեջանի միջև խաղաղության սկզբունքներից մեկն այն է, որ ՀՀ-ն ու Ադրբեջանը փոխադարձաբար ճանաչում են միմյանց տարածքային ամբողջականությունը՝ Խորհրդային Ադրբեջանի ու Խորհրդային Հայաստանի տարածքների հիման վրա ու երբ ասում ենք Հայաստանի 29 800 քառ. կմ տարածք, ուրեմն դրա մեջ չեն մտնում այն էքսկլավ/անկլավները, որոնք Խորհրդային միության ժամանակ պատկանել են Ադրբեջանին և Հայաստանի 29 800 քառ. կմ-ի մեջ մտնում է Արծվաշենը, որը էքսկլավ է՝ շրջափակված Խորհրդային Ադրբեջանի տարածքում»,- ասաց Փաշինյանը: Նա նշեց, որ այս թեմայով առարկայական պայմանավորվածություն չկա: