«ՀԱՊԿ-ի հետ կապված որոշումներում առաջնորդվելու ենք ՀՀ պետական շահերով». վարչապետ

ՀՀ քաղաքացիների ու սփյուռքի մեր հայրենակիցների հետ հարցուպատասխանի ժամանակ ՀՀ վարչապետն ասել է, որ ՀԱՊԿ-ի հետ կապված որոշումների հարցում առաջնորդվելու ենք ՀՀ պետական շահերով. «ՀԱՊԿ-ի գործողությունները համապատասխան չեն ՀՀ շահերին, բայց ուզում ենք մինչև վերջին հնարավորությունն անել ամեն ինչ՝ ՀԱՊԿ-ին լիարժեք հասկանալու ու մեր դիրքորոշումը ՀԱՊԿ-ին հասկանալի դարձնելու համար, ու եթե այս ճանապարհին սպառված համարենք ամբողջ պոտենցյալը... մեր հանրությունը հարցնելու է՝ իբր ինչի՞ եք մնացել կազմակերպությունում, եթե անդամակցությունը ՀՀ-ին կամ ոչինչ չի տալիս, կամ չի տալիս այն մինիմումը, որը կենդանի կապահեր կազմակերպությանն անդամագրվելու նկատմամբ մեր հետաքրքրությունը, կամ լրացուցիչ խնդիրներ է առաջացնում մեր անվտանգային համակարգի համար»,- ասել է Նիկոլ Փաշինյանը: