Ոստիկանները բերման ենթարկեցին Սուրեն Սահակյանին, մյուս ցուցարարներին ու խլեցին վրանը

Ոստիկանությունը փորձեց թույլ չտալ խաղաղ հավաքի մասնակիցներին՝ վրանը բռնած անցնել երթևեկելի գոտով մինչև հնարավորություն լինի կրկին անխոչընդոտ անցնել մայթով: Քաղաքագետ Սուրեն Սահակյանը չհամաձայնեց՝ ես էլ ասում եմ՝ չէ: Այդ ժամանակ իրավապահներից մեկը զայրացավ ու հրամայեց նրան բերման ենթարկել: Նրա հետ բերման ենթարկեցին նաև ակցիայի այլ մասնակիցների: Այնուհետև ոստիկանները մեծ խմբով հարձակվեցին վրանը պահողների վրա, խլեցին այն ու տարան: