Երեքշաբթի, 21 ապրիլի, 2026 թ.
|
Ստեփանակերտում`   +8 °C

«Պատժում են Երևանում մի 40 անուն փողոցներում բնակվելու համար». Գարիկ Քեռյան

«Պատժում են Երևանում մի 40 անուն փողոցներում բնակվելու համար». Գարիկ Քեռյան
227
Ուրբաթ, 01 դեկտեմբերի, 2023 թ., 01:06

Քաղաքագետ Գարիկ Քեռյանի ֆեյսբուքյան գրառումը․ «Երևանի կենտրոնում բնակվողները բոլորը դոլարային միլիոնատերեր չեն: Եթե քաղաքացին թոշակառու է կամ ստանում է սովորական աշխատավարձ, բնակվում է կենտրոնում արդեն վաղուց, բնակարանն էլ ստացել է ոչ թե անկախության ժամանակ այլ ձրի, խորհրդային կարգերի ժամանակ և ունի համեստ մի մեքենա իր կենցաղային կարիքները հոգալու համար, ինչպես է վճարելու 160000 դրամ կայանատեղիի համար: Արդյոք սա չի նշանակում մարդու իրավունքների ոտնահարում: Ստացվում է, որ ոչ միայն թոշակառուները, այլև հազարավոր և տասնյակ հազարավոր մտավորականներ, ուսուցիչներ, բյուջետային աշխատողներ, սպասարկման և այլ ոլորտների աշխատողներ օրենքով զրկվում են մեքենա ունենալու իրավունքից: Կենտրոնը բեռնաթափելու այլ տարբերակներ չկա՞ն: Քաղաքացուն պատժում են Երևանում մի քառասուն անուն փողոցներում բնակվելու և եթե բակում տեղ չունեն փողոցում մեքենան կայանելու համար: Այս գրառումը չէի անի եթե 12000 դրամը ամբողջ Երևանի համար դարձնեին 24000, դա ինչ-որ տեղ կարելի էր հասկանալ: Կոչ եմ անում մարդու իրավունքների պաշտպանին այս հարցը դարձնել քննարկման առարկա»:

Աղբյուրը`   Գարիկ Քեռյան