«Ֆրանսիայում որոշ քաղաքական առաջնորդներ ուզում են հայերից ավելի հայ լինել». Ալիև

Ադրբեջանի նախագահ Իլհամ Ալիևը հայտարարել է, որ Ֆրանսիայի քաղաքական ղեկավարությունը ստիպված կլինի հաշտվել Հարավային Կովկասում նոր իրողությունների հետ:

«Ադրբեջանն իր տարածքում հակաահաբեկչական գործողություններ է իրականացրել: Որոշ արևմտյան երկրներ և հատկապես Ֆրանսիան չեն ցանկանում համակերպվել իրավիճակի հետ: Թեև արդեն միջազգային հանրությունը տեսնում է, որ նույնիսկ Հայաստանն է հաշտվել դրա հետ: Ֆրանսիայում որոշ քաղաքական առաջնորդներ ջանում են հայերից ավելի հայ լինել: Բայց նրանք էլ ստիպված կլինեն համակերպվել այս իրողության հետ»,- ասել է Ալիևը: