«Եթե վաղվանից լիճ դուրս չգամ, ո՛չ վարկերը կարամ փակեմ, ո՛չ կոմունալները մուծեմ». ձկնորս

«Եթե վաղվանից լիճ դուրս չգամ՝ ձկնորսության, ո՛չ կարողանալու եմ կոմունալները մուծել, ո՛չ վարկերը փակել, ձմեռ ա դեմը»,- լրագրողների հետ զրույցում ասաց Նորատուսի՝ ձկնորսությամբ զբաղվող բնակիչներից մեկը՝ հավելելով. «Մեր ղեկավարությունը թող գար, ասեր՝ ժողովո՛ւրդ ջան, էս մի ամիսը ձվադրում ա, մտածում ենք ձուկը շատանա, եկեք ամեն մեկիդ 100 հազար դրամ տանք... Բայց չէ, իրենք իրավիճակը սենց չոր դնում են»:

Ավելի վաղ իրավապահները հայտնել էին, որ ձերբակալվել են մի խումբ ձկնորսներ, որոնք շարունակում են ձվադրման շրջանում Սևանից սիգ որսալ։ Ձկնորսները, սակայն, հակադարձում են. «Ամեն տարի ձվադրման ժամկետը եղել է 25-30 օր, այս տարի ինչո՞ւ է նոյեմբերի 20-ից հունվարի 20-ը»: