Իրանը կանխատեսել է Միջերկրական ծովի շրջափակումը Գազայում ԱՄՆ-ի գործողությունների պատճառով

ԱՄՆ-ի և նրա դաշնակիցների գործողությունները կարող են հանգեցնել Միջերկրական ծովի շրջափակման։ Այս մասին հայտարարել է Իրանի Իսլամական հեղափոխության պահապանների կորպուսի հրամանատարի տեղակալ, բրիգադային գեներալ Մոհամմադ Ռեզա Նաղդին, փոխանցում է Tasnim գործակալությունը։
«Հանցագործությունների շարունակման հետ մեկտեղ Միացյալ Նահանգները և նրա դաշնակիցները պետք է սպասեն դիմադրության նոր ուժերի ի հայտ գալուն և մնացած ճանապարհների և ուղիների փակմանը»,- ասել է Նաղդին:

Հարկ է նշել, որ այս շաբաթ Փենթագոնի ղեկավար Լլոյդ Օսթինը հայտարարեց Կարմիր ծովը պաշտպանելու համար «Բարգավաճման պահապան» գործողության մեկնարկի մասին՝ Եմենի Հութի ապստամբների կողմից առևտրային նավերի վրա հարձակումների պատճառով: Ամերիկյան պաշտպանության նախարարությունը պարզաբանել է, որ գործողությանը միացել է ավելի քան 20 երկիր։