«Հայաստանի փաստացի տարածքն այսօր 28 հազար 500 քառ․ կմ է»․ Հրանտ Բագրատյան

«Հայաստանի տարածքից այսօր օկուպացված է 1200-1400 քառ. կմ»,- այս մասին 168TV-ի եթերում ասել է ՀՀ նախկին վարչապետ Հրանտ Բագրատյանը: Նրա խոսքով՝ Հայաստանի փաստացի տարածքն այսօր 28 հազար 500 քառ․ կմ է․ «Եթե ռազմական գործում Փաշինյանը ռուսների հետ շփումը դադարեցրեց, և մենք, իհարկե, լավ պատժվեցինք, բայց էլի Հայաստանը մնացել է, մոտ 28 հազար 500 քառ. կմ այսօր կա, օկուպացված է 1200-1400 քառ. կմ։ Եթե մեզնից տարել են 200 քառ. կմ, պետք է հերթական անգամ մամուլով առաջարկել, որպեսզի Փաշինյանը կամ ԶՈՒ ԳՇ պետը հայտարարեն, որ այսօր մեր տրամադրության տակ կա 29 հազար 600 քառ. կմ։ Դե թող ասեն»,- նշել է նախկին վարչապետը։ Նա խոսել է նաև ՀՀ տնտեսության, Փաշինյանի՝ Սանկտ Պետերբուրգ այցի և այլ թեմաների մասին։