Երկուշաբթի, 23 փետրվարի, 2026 թ.
|
Ստեփանակերտում`   +6 °C

«Ի՞նչ է անում իշխանությունը, որ մարդիկ գյուղի ցեխերում չապրեն». Թաթուլ Հակոբյան

«Ի՞նչ է անում իշխանությունը, որ մարդիկ գյուղի ցեխերում չապրեն». Թաթուլ Հակոբյան
216
Չորեքշաբթի, 10 հունվարի, 2024 թ., 17:24

Լրագրող Թաթուլ Հակոբյանի ֆեյսբուքյան գրառումը․ «Ընկերներ և հետևողներ, շատ տրամաբանական է և հասկանալի, թե ինչո՞ւ են Արցախի մեր հայրենակիցները ձգտում հաստատվել Երևանում և խոշոր քաղաքներում:
Կներեք, հայաստանցիները այդպես չե՞ն անում: Այդ ինչպես է եղել, որ 1926թ. մարդահամար տվյալներով 80 տոկոս գյուղացիությամբ երկիրը 100 տարում դարձել 70 տոկոս քաղաքային բնակչությամբ, որի մեծագույն մասը Երևանում է հաստատվել:
Իսկ Սփյուռքի մեր հայրենակիցները Երևա՞ն չեն ձգտում, երբ հաստատվում են Հայաստանում:
Մայրաքաղաքում հաստատվելը և բարեկեցիկ կյանք ունենալու ձգտումը գյուղ ու ազգություն չի ճանաչում: Դա արդարացի և ազնիվ ձգտում է:
Հարցն այլ կերպ պետք է ձևակերպել:
Ի՞նչ է անում և ի՞նչ են արել մեր երկրի գործող և նախկին իշխանությունները, որ մարդիկ գյուղի ցեխերում չապրեն, իրենց երեխաները մինչև դպրոց ցեխակոլոլ կոշիկներով չհասնեն և զրկված չլինեն այն բարիքներից, որ օգտվում են Երևանում և այլ քաղաքներում ապրող երեխաները:
Եւ ժամանակը չէ՞ վերջ տալու տեղանքով պայմանավորված թիրախավորումները»:

Աղբյուրը`   Թաթուլ Հակոբյան