«Բանկային փոխանցման ժամանակ արցախցուց 50 հազար դրամ պահում է արվել». Գեղամ Նազարյան

ԱԺ «Հայաստան» խմբակցության պատգամավոր Գեղամ Նազարյանը, դիմելով ԿԲ նախագահ Մարտին Գալստյանին, հարց բարձրացրեց Արցախից բռնի տեղահանված քաղաքացու ահազանգի վերաբերյալ. «Արցախցին՝ մեկ այլ արցախցու 75 հազար դրամ է փոխանցել, բայց բանկային փոխանցման ժամանակ ում փոխանցվել է, 50 հազար դրամը պահվել է, անհետացել է: Մեկ ամսից ավելի է՝ կինը վազվզոցի մեջ է: Ասել են՝ դուք ԴԱՀԿ-ից տուգանք ունեք, բայց ընդհանրապես տուգանք չի ունեցել: Էնքան տեղեկանք են ուզել, որ արդեն հուսահատվել է»: ԿԲ նախագահն արձագանքեց. «Պատմության ու մեր իրականության մեջ կարող են լինել բացառիկ դեպքեր, որոնք պահանջեն բացառիկ մոտեցում: Իմ փորձառության ընթացքում էդ տիպի հարցերով շատ են դիմում, հարցի վերջում պարզվում է՝ իրականությունը ոչ այս ծայրում է, ոչ այն, այլ ինչ-որ մեջտեղում է, դրա համար որպեսզի ձեր ժամանակը չխլեմ, քաղաքացուն էլ օգնենք, կխնդրեմ՝ փոխանցել հարցը, կասեմ, կնայեն, ձեզ հետադարձ կապ կտամ»: