«Փաշինյանն ու Դոդի Գագոն ուզում են ամեն ինչ անել, որ «Հանրային Ձայն» կուսակցությունը քայքայեն». Վարդան Ղուկասյան

Վարդան Ղուկասյանը ֆեյսբուքյան եթերում անդրադարձել է «Հանրային Ձայն» կուսակցության կառավարման խորհրդի հայտարարությանը, ըստ որի՝ դադարեցվել է նրա անդամությունը կուսակցությանը. «Վարդան Ղուկասյանը նոր չէ, որ ունի ՌԴ քաղաքացիություն, ես երկքաղաքացի եմ և կուսակցության հիմնադրման հիմքում եղել է Վարդան Ղուկասյանը: Չլիներ Վարդան Ղուկասյանը, չէր լինի «Հանրային Ձայն»-ը: Արտակ Գալստյանը, երբ թղթերը տվել է պետռեգիստր ու գրանցել կուսակցությունը, էդ ժամանակ Վարդան Ղուկասյանը եղել է ՌԴ քաղաքացի: Էդ նոր իմացա՞ն, որ ես ՌԴ քաղաքացի եմ: Երկրորդ, Վարդան Ղուկասյանի լիազորությունները չեն կարող դադարեցնել հենց նույն կուսակցության կանոնադրությամբ: Կուսակցությունն ունի կենտրոնական մարմին՝ բաղկացած 29 հոգուց, 17-19 հոգի պիտի հավաքվեն, որպեսզի որոշում կայացնեն՝ ինչ-որ մեկի լիազորությունները դադարեցնեն: Գնացեք, Գալստյանին հարցրեք՝ ո՞ւր է 17 հոգու ստորագրությունը: Ի տարբերություն Գալստյանի, կուսակցականների գերակշիռ մասը դիմել է Վարդան Ղուկասյանին ու ղեկավար մարմնին՝ խնդրելով գումարել համագումար ու համագումարով որոշել՝ մնում ենք Գալստյանի, թե Ղուկասյանի հետ»,- նշել է Ղուկասյանը՝ հավելելով. «Ներկայիս իշխանությունը ի՞նչ անի պառլամենտական ընտրություններին ընդառաջ, ո՞նց գմփցնի Վարդան Ղուկասյանին՝ իրա պատկերացմամբ, Արտակ Գալստյանին ասում են՝ կուսակցությունը պայթեցրու, քայքայի, ոնց կարաս: Առաջացել ա խնդիր՝ կա՛մ Վարդան Ղուկասյան, կա՛մ Արտակ Գալստյան. խնդիրն առաջացրել ա ո՞վ՝ Նիկոլ Փաշինյան, Դոդի Գագո, որոնք ուզում են ամեն ինչ անեն, որ «Հանրային Ձայն» կուսակցությունը պայթեցնեն»:

Մանրամասները՝ տեսանյութում: