«Արցախը հանձնելը կանխելու 3 տարի ժամանակ կար». Հովհաննես Իշխանյան

Ռեժիսոր Հովհաննես Իշխանյանի ֆեյսբուքյան գրառումը. «Արցախը հանձնելը կանխելու 3 տարի ժամանակ կար:

Ի՞նչ կարելի էր անել Արցախը գերագույն արժեք դարձնելու համար

1. Գնալ ապրել Արցախում

2. Գնալ վա բանկ, զոհել ամեն ինչ Արցախը պահելու համար (ինչքան զոհբերում ես, այնքան բարձրանում է արժեքը)

3. Արցախը պահելը կապակցել արդարության, ժողովրդի բարեկեցության հետ

Արցախը պահելու և Արցախը վերադարձնելու խորհրդանիշ է Ռուբեն Վարդանյանը: Հայկական գործարար ու քաղաքական կյանքի օրինակը նա է: Բոլոր քաղաքական, հասարակական, մշակութային, կրոնական ուժերի համար նրա ազատությունը պետք է լինի առաջնահերթություն:

Նրա ազատության համար պայքարելը շնորհակալ լինելու ցուցիչ է, որ նա զոհաբերել է ամեն ինչ մեր նպատակի համար:

Առանց ինքնազոհողության պայքարի որևէ արժեք չի սահմանվում»։