Հինգշաբթի, 12 մարտի, 2026 թ.
|
Ստեփանակերտում`   +2 °C

Ավելի քան 11 մլն դրամ՝ պաշտոնյաների ու ՔՊ-ականների երեխաներին ուրախացնելու համար. «Ժողովուրդ»

Ավելի քան 11 մլն դրամ՝ պաշտոնյաների ու ՔՊ-ականների երեխաներին ուրախացնելու համար. «Ժողովուրդ»
1016
Չորեքշաբթի, 17 հունվարի, 2024 թ., 09:06

Ազգային ժողովի ամանորյա բացօթյա միջոցառումը, որը նախատեսված էր այցելած երեխաներին տոնական տրամադրություն պարգևելու համար, այդքան էլ նպատակին չի ծառայել։ «Ժողովուրդ» օրաթերթը, միջոցառման կադրերն անքթիթ զննելով, նկատել է, որ ներկաների մեծամասնությունը բարձրաստիճան պաշտոնյաներ են, բացառապես իշխանական պատգամավորներ, որոնք երեխաների հետ ներկա էին միջոցառմանը։ Մի քանի քաղաքացիներ են միայն ներկա եղել, որոնք, հետաքրքրություն չգտնելով, հեռացել են։
Ստացվում է, որ միջոցառումը, որի համար պետական բյուջեից տրամադրվել էր 11 մլն 60 հազար դրամ գումար, կազմակերպվել էր միայն պաշտոնյաների և ՔՊ-ականների երեխաներին ուրախացնելու համար։

Պաշտոնյաները իշխանության ներկայացուցիչներ էին հիմնականում, որոնք արդեն սովորություն են դարձրել սեփական կարիքների համար մսխել ՀՀ քաղաքացու աշխատանքի հարկերից կուտակված պետական բյուջեն։ Ասել է թե՝ Ալեն Սիմոնյանն ու ԱԺ աշխատակազմի ղեկավարը մոտ 27 հազար ԱՄՆ դոլար են հատկացրել պետության միջոցներից՝ ՔՊ-ականներին և իրենց մերձավորներին զվարճացնելու համար:

Մանրամասները՝ թերթի համարում:

Կարդացե՛ք նաև