«Էսկալացիայի հավանականություն այս պահին էլ առկա է». Միրզոյան

ԱԳՆ-ում ընթացող ասուլիսի ժամանակ արտգործնախարար Արարատ Միրզոյանը, անդրադառնալով Ադրբեջանի նախագահի վերջին հարցազրույցի ժամանակ հնչեցրած հայտարարություններին, ինչպես նաև այդ երկրում սպասվող ընտրություններին, ասել է. «Ընտրությունների դեպքում արդյոք էսկալացիայի հավանականությունը կմեծանա, թե ոչ, կարծում եմ՝ էսկալացիայի հավանականություն այս պահին էլ առկա է. այն հռետորաբանությանը, որին ականատես եղանք Ադրբեջանի նախագահի հարցազրույցում, թույլ չի տալիս մեկ վայրկյան անգամ թուլացնելու մեր զգոնությունը։ Ավելին, նույն հարցազրույցում մենք լսեցինք տարածքային անթաքույց պահանջներ ՀՀ ինքնիշխան տարածքների նկատմամբ, տեսանք՝ ինչպես են ՀՀ այս կամ այն քաղաքաները կամ մարզերն անվանվում ձևախեղված ձևով»: