«Ադրբեջանի նախագահը փաստում է, որ իրենք շարունակ բանակցել են՝ մտքում ունենալով ռազմական սցենարը». Տաթևիկ Հայրապետյան

Ադրբեջանագետ Տաթևիկ Հայրապետյանը ֆեյսբուքյան իր էջում գրում է․ «Լեռնային Ղարաբաղի հիմնախնդրի՝ մոտ երեք տասնամյակ տևած բանակցություններում Ադրբեջանը զբաղվել է իմիտացիայով, որի մասին շատ ակնհայտորեն խոսում է այսօր։ Հունվարի 10-ի հարցազրույցում Ալիևը պարզ ակնարկել է, որ իրեն մշտապես առաջարկել են խաղաղ լուծման տարբերակներ, սակայն ինքը չէր համաձայնել, որովհետև փաստացի խաղաղ կարգավորումը չէր բերելու այն արդյունքին, ինչին իրենք հասան ռազմական ագրեսիայի արդյունքում։ Ադրբեջանի նախագահը փաստում է, որ իրենք շարունակ բանակցել են՝ մտքում ունենալով ռազմական սցենարը, և պատերազմը եղել է իր անձնական կյանքի գլխավոր առաքելությունը։ Դրանից ավելի ակնհայտ ինքնախոստովանական ցուցմունք ադրբեջանական կողմի որդեգրած քաղաքականության մասին պետք չէ փնտրել»։