«Կառուցում ես լավագույն դպրոց, բայց մոռանում ես անվտանգության մասին ու մորթվում». Վարդան Ոսկանյան

Իրանագետ Վարդան Ոսկանյանը գրել է. «Լուսանկարում Կարինի (Էրզրում) Սանասարյան վարժարանն է՝ հայկական այս քաղաքի՝ ժամանակին ամենագեղեցիկ շենք ունեցող, տեխնիկապես հագեցած և բովանդակությամբ լեցուն ուսումնական հաստատությունը, որն այժմ Մուստաֆա Քեմալի թանգարանն է, քանի որ փաստացիորեն հենց այս շենքի ներսում կայացած քեմալականների ժողովից է սկիզբ առել ներկայիս Թուրքիան։

Սա այն, վատ իմաստով, դասական դեպքերից է, երբ կառուցում ես լավագույն դպրոց, կազմակերպում լավագույն կրթություն, բայց մորթվում և շենքը թողնում թշնամուն, քանզի աչք ես փակում այն բարբարոս միջավայրի վրա, որտեղ ապրում ես և մոռանում դրանից բխող առաջնային պահանջ անվտանգության մասին»։