«Հայելայինը ձեզ տարել է». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «ԱԺ նախագահ Ալեն Սիմոնյանն անդրադառնալով այն հարցին, թե սահմանադրության փոփոխությունը Ադրբեջանի պահա՞նջն է, կամ կապ ունի՞ բանակցությունների հետ, հայտարարել է. «Ես ձեզ կոչ եմ անում և մի պնդում եմ ուզում անել, որ այսուհետ բոլոր այն դրվագներում, որտեղ դուք ՀՀ պաշտոնյաներին նման հարց կտաք, իմացե՛ք, որ նույն հարցը բարձրացվում է ՀՀ-ի կողմից: Ադրբեջանի Սահմանադրությունում, Ադրբեջանի իրավական ակտերում նույնպես կան դրույթներ, որոնք հայելային պետք է փոփոխվեն»:
Դուք ի՞նչ կապ ունեք Ադրբեջանի սահմանադրության, դրանում փոփոխությունների հետ, դա այդ պետության ինքնիշխան գործն է: Ամեն ինչում հայելային եք ուզում կիրառել, հայելայինը ձեզ տարել է։ Իրականում ամեն մահանա ասում եք, որ ժխտեք սահմանադրությունը փոխելու վերաբերյալ Ադրբեջանի ճնշումները, սակայն ձեր մոտ դա չի ստացվում, ինչքան էլ հայելուն օգնություն կանչեք»: