«Մարդիկ ասում են՝ գանք ձեր գնումներին մասնակցենք, ՊՎԾ-ն գալու ա, ԱԱԾ-ն գալու ա, ՀՔԾ-ն գալու ա». Փաշինյան

Կառավարության այսօրվա նիստի ժամանակ վարչապետ Փաշինյանն անդրադարձել է գնումների մասին օրենսդրությանն ու այն լավարկելու անհրաժեշտությանը. «Մենք միտում ենք զգում, որ լուրջ կազմակերպությունները կամ էն կազմակերպությունները, որ մենք կուզենայինք կառավարության հետ գործընկեր լինեին, հաճախ խուսափում են գործ ունենալ, որովհետև ասում են՝ ձեր գնումների ընթացակարգերը.... Գնումների ընթացակարգը միշտ չի, որ համապատասխանում է ժամանակակից գործելակարգերին: Երկրորդ, մենք երբեմն քիչ ՕԳԳ ունեցող գործողություններ ենք անում, ու համակարգը լրացուցիչ լարում ենք. մարդիկ ասում են՝ լավ, է՜, գանք ձեր գնումներին մասնակցենք, ՊՎԾ-ն գալու ա, ԱԱԾ-ն գալու ա, ՀՔԾ-ն գալու ա, մամուլում գրելու են՝ էս մեկը էն մեկի հետ ա ատկատ, էն մեկը՝ մյուսի, գործ չունենք: Սա պրոբլեմ է»,- ասել է Փաշինյանը: