«Մասնակցեք քվեարկությանը, եթե չեք ուզում, որ Հայոց պատմությունն ավարտվի, այն էլ՝ ողբով». Հովիկ Աֆյան

Գրող Հովիկ Աֆյանը ֆեյսբուքյան իր էջում գրել է. «Ու Անահիտ աստվածուհին կապ չունի Հայաստանի հետ: Նկատի ունեմ՝ պետության: Պետությունն առհասարակ աստվածների հետ կապ չունի (նույնիսկ Վատիկանը), շատ դեպքերում մարդու, առավել ևս ազգի հետ էլ կապ չունի: Ազգը մի քիչ ավելի զորեղ բան է, քան պետությունը, զորեղ ու պնդաճակատ: Օրինակ, ՄԱԿ-ում պետություններ են, բայց կազմակերպությունն այդ կոչվում է ոչ թե միավորված պետություների, այլ հենց ազգերի՛ կազմակերպություն: Գիտե՞ք ինչու, որովհետև պետությունները կարող են կապիտուլացվել, վերանալ, ցնդել, ջախջախվել, ... Ազգերը՝ երբեք: Նույնիսկ ասորիներն այսօր կան:
Սա չի նշանակում, որ ազգը լավ բան է, պետությունը՝ վատ: Սա նշանակում է, որ պետության երկարակեցությունը, ձևը, կերպը, նույնիսկ տեղը որոշում է ազգը:
Հիմա՝ Հայաստանի՞ պատմություն, թե՞ Հայոց: Եթե պնդում եք, որ Հայաստանի՝ հազիվ թե նույնիսկ Անահիտ աստվածուհին ձեզ փրկի, եթե այնուամենայնիվ՝ հայոց, ուրեմն մասնակցեք e-draft-ի քվեարկությանը: Ես մասնակցել եմ, քանի որ չեմ ուզում, որ Հայոց պատմությունն ավարտվի... Այն էլ՝ ողբով: