«Հայաստանի ինքնիշխանության պահպանման հիմնական երաշխիքը իշխանության լեգիտիմությունն է». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրում է. «Հայաստանի Հանրապետության դեմ Կրեմլ- Բաքու-Անկարա եռյակի կողմից սպառնալիքների դիմակայման, կանխարգելման և հաղթահարման, Հայաստանի ինքնիշխանության պահպանման հիմնական երաշխիքը իշխանության լեգիտիմությունն է, որի հիմքը հանդիսանում է երեք հիմնասյուները․
1․ ազատ և արդար ընտրությունների արդյունքում ձևավորված լինելու հետ միասին նաև կոռուպցիայի հանդեպ զրո հանդուրժողության քաղաքականության իրականացումը,
2․ ժողովրդավարական արժեքների և սկզբունքների, մարդու արժանապատվության հանդեպ հարգանքի որպես հիմնարար արժեքների անվերապահ պահպանումը,
3․ իրավական և ժողովրդավարական պետությունների հետ ռազմավարական համագործակցության ձևավորումը»։