Երեքշաբթի, 21 ապրիլի, 2026 թ.
|
Ստեփանակերտում`   +8 °C

«Իշխանությունը մտավախություն ունի, որ ընդդիմադիրները կարող են համախմբվել Մարությանի շուրջ». Աբգարյան. «Հրապարակ»

«Իշխանությունը մտավախություն ունի, որ ընդդիմադիրները կարող են համախմբվել Մարությանի շուրջ». Աբգարյան. «Հրապարակ»
205
Ուրբաթ, 09 փետրվարի, 2024 թ., 09:30

«Հրապարակ»-ը գրում է. «Փետրվարի 7-ին Երևանի ավագանին «Հանրային ձայն» խմբակցության աջակցությամբ նիստ գումարեց՝ ավագանու մանդատներից զրկելով մի քանի ընդդիմադիրների, այդ թվում՝ Երևանի նախկին քաղաքապետ Հայկ Մարությանին: Զրուցել ենք Մարությանի թիմակից՝ ավագանու անդամ Իզաբելլա Աբգարյանի հետ:

- Հայկ Մարությանին զրկեցին ավագանու մանդատից, ո՞վ է փոխարինելու նրան:

- Արամ Մանուկյանը: Նա «Ազգային առաջընթաց» կուսակցությունից է:

- Ո՞րն է ձեր հաջորդ քայլը լինելու: Տպավորություն է, թե իշխանությունը Հայկ Մարությանին համարում է իր թիվ 1 մրցակիցը, և ամեն բան անում են նրան լռեցնելու համար:

- Իրականում Մարությանին մանդատից զրկելով մեզ մեծ վատություն չեն անում: Նրան չեն կարողանալու զրկել քաղաքապետարան մտնելու իրավունքից: Մենք ազատ կարող ենք նրան հանրային լսումների հրավիրել, կազմակերպել հանդիպումներ քաղաքացիների հետ և այլն: Այնպես որ, մեզ չեն վնասում այս որոշմամբ, միայն մեկ խնդիր կա․ Ավինյանին իմպիչմենտ հայտնելու դեպքում չենք կարող մեր միասնական թեկնածուին՝ Հայկ Մարությանին առաջադրել: Այս իշխանություններն ունեն մտավախություն, որ ընդդիմադիրները կարող են կոնսենսուսի գալ և հեռացնել Տիգրան Ավինյանին՝ համախմբվելով Մարությանի շուրջ:

Մանրամասները՝ թերթի համարում: