Կիրակի, 16 օգոստոսի, 2026 թ.
|
Ստեփանակերտում`   +20 °C

«Պետական գնումների համակարգը մնում է շատ վտանգավոր»․ Սարհատ Պետրոսյան

«Պետական գնումների համակարգը մնում է շատ վտանգավոր»․ Սարհատ Պետրոսյան
628
Կիրակի, 18 փետրվարի, 2024 թ., 10:30

Կադաստրի կոմիտեի նախկին ղեկավար Սարհատ Պետրոսյանը ֆեյսբուքյան իր էջում գրել է․ «Ամենևին խնդիր չունեմ Վահան Քերոբյանին պաշտպանել, հատկապես, որ ինձ առաջին օրվանից էլ պարզ էր իրեն «զոհելու» քաղաքական պատրաստակամությունը, բայց այս դեպքը գալիս է ապացուցելու, որ բլորոս, անխտիր բոլորս, այս իշխանության զոհն ենք (եղել կամ լինելու)։
Որպես պետական պատվերներից խուսափող մարդ, ամեն դեպքում հունվարյան դուշ-ծորակ օպերացիան ու հիմա այս Քերոբյան & Co. շոուն մեկ անգամ ևս ապացուցում են, որ պետական գնումների համակարգը մնում է շատ վտանգավոր ու ցանկացած առնչություն մեզանից յուրաքանչյուրին դարձնելու է ավելի խոցելի։
Ի դեպ այս տարվանից սկսած ափալ-թափալ համատարած հայտարարագրումը, ինչքան էլ լինի կարևոր ու պետքական նախաձեռնություն, նախ և առաջ օգտագործվելու է իշխանական մամլիչի տակ առնել բոլորիս։ Մի երկրում, որ մարդիկ մի կերպ բարեկամների ու այլ հարազատների հաշվին են վաստակում, ընկնելու են համատարած վերահսկողության տակ ու ընտրովի արդարադատության զոհն են լինելու։
Այս մտահոգությունն ունենալով մոտ երկու շաբաթ առաջ մեր ընկերությունը միակողմանիորեն խզեց մեր միակ պետական համեմատաբար խոշոր պատվերի պայմանագիրը, չցանկանալով հիստերիկ քաղաքական որակի հսկողություն շոու մաս լինել։
Այս խորհուրդը տվել ու տալիս եմ նաև պետական ու համայնքային կառավարման մաս կազմած ու կազմող անձանց, օղակը ձեր շուրջն էլ է սեղմվելու մի օր…»։

Աղբյուրը`   Սարհատ Պետրոսյան

Կարդացե՛ք նաև