«Նայեք, մտածեք և պատկերացրեք». Լևոն Գալստյան

Բնապահպան Լևոն Գալստյանի ֆեյսբուքյան գրառումը. «Տեսանյութում կտեսնեք, թե ինչ հսկայական փլուզում է տեղի ունեցել ոսկու հանքում, որի հետևանքով մշակման ենթարկված ապարների լցակույտի մոտ 10 մլն խոր. մետր զանգվածի տակ են մնացել աշխատողներ և ոսկու վերամշակման ցիանային հարթակը։
Տեսանյութում կարող եք կարդալ մյուս մանրամասները, որոնք վերաբերում են գետերի աղտոտման, նախկինում հնչեցված բազմաթիվ ահազանգերի անտեսման, 2022թ-ին ցիանիդի արտահոսման դեպքի պատճառով այս նույն հանքի շահագործումը ժամանակավոր դադարեցնելու և տուգանքը վճարելուց հետո վերաբացելու և այլ բաների մասին։
Կնկատեք, որ ամերիկյան ընկերություն է 80 տոկոս բաժնետերը, և համոզված եմ՝ իրենք էլ են հեքիաթներ պատմել 100 տոկոս անվտանգ շահագործման, միջազգային «բարձր ստանդարտների», «պատասխանատու հանքարդյունաբերության» և այլ պուպուշ բաների մասին։
Նայեք, մտածեք և պատկերացրեք»։