«Ոչինչ չենք արել, որպեսզի ղարաբաղյան հակամարտության վերաբերյալ միջազգային հետաքրքրություն առաջ բերենք». Արման Բաբաջանյան

ԱԺ նախկին պատգամավոր Արման Բաբաջանյանի ֆեյսբուքյան գրառումը․ «Իսրայել-Պաղեստին հակամարտությունն ու շուտափույթ ելքերը Մյունխենի անվտանգության համաժողովի առանցքում էին:
Տարիներ շարունակ ոչինչ չենք արել, որպեսզի ղարաբաղյան հակամարտության վերաբերյալ միջազգային այսպիսի մեծ հետաքրքրություն առաջ բերենք, գեթ մեկ քննարկում տարածաշրջանի և արտատարածաշրջանային ուժային կենտրոնների նախկին և ներկա պաշտոնյաների մասնակցությամբ:
Ինչևէ, փակ քննարկման ժամանակ և դրանից դուրս հետաքրքրիր քննարկում և զրույցներ ունեցա հարավկովկասյան տարածաշրջանի, արցախյան հիմնախնդրի, Արցախի ապագայի, Հայաստան-Ադրբեջան, Հայաստան-Թուրքիա, Հայաստան-Իրան, Հայաստան-ՌԴ, Հայաստան-ԵՄ, Հայաստան-արաբական աշխարհ հարաբերությունների հեռանկարի վերաբերյալ Իսրայելի ԱԳ նախկին նախարար Ձիպի Լիվնիի, Հորդանանի ԱԳ նախարար Այման Սաֆադիի, Կանադայի ԱԳ նախարար Մելանի Ջոլիի, ԵՄ արտաքին քաղաքականության և անվտանգության հարցերով բարձրագույն ներկայացուցիչ Ժոզեպ Բորելի, Իսպանիայի ԱԳ նախարար Հոսե Մանուել Ալբարեսի և Պաղեստինի վարչապետ Մոհամա Շտայեհի հետ:
Հայաստանին գնահատում են, կարևորում են, արժևորում են: Մեր դիրքորոշումը միջազգային և տարածաշրջային խնդիրների վերաբերյալ չափազանց էական է գլոբալ և լոկալ անվտանգային ճարտարապետության նախագծման տեսանկյունից:
Մեզ պետք է հավատալ մեր ուժերին, աշխարհին համահունչ լինել, ընդունակ լինել մեզ կողքից տեսնել»։