Գավառի և Երևանի դպրոցների ներկայացրած կարճամետրաժ ֆիլմերը կցուցադրվեն Կաննում

Գավառի ավագ դպրոցի և Երևանի թիվ 105 ավագ դպրոցի ներկայացրած կարճամետրաժ ֆիլմերը հայտնվել են ՅՈՒՆԵՍԿՕ-ի կողմից կազմակերպված «Երբ ձայնը ստեղծում է պատկեր» դպրոցական միջազգային մրցույթի ընտրված 20 ֆիլմերի կարճ ցանկում և մայիսի 16-ին կցուցադրվեն Կաննում՝ փառատոնի մեկնարկին։ Այդ մասին ֆեյսբուքյան իր էջում հայտնում է ԿԳՄՍ նախարար Ժաննա Անդրեասյանը. «Ընդ որում, մրցույթին մասնակցել է 32 երկիր՝ 210 ֆիլմերով, Հայաստանից 12 դպրոց է մասնակցել և դրանցից երկուսը տեղ են գտել կարճ ցանկում՝ Գավառի ավագ դպրոցը՝ «Խաղաղությու» վերնագրով ֆիլմով և Երևանի թիվ 105 ավագ դպրոցը՝ «Լույս» վերնագրով ֆիլմով»,- գրել է նախարարը։