«Ժողովրդի կյանքին ուղղակիորեն վերաբերող որևէ հարց այլևս չի քննարկվում ժողովրդի հետ». Լիլիթ Բլեյան

Երգչուհի Լիլիթ Բլեյանի ֆեյսբուքյան գրառումը.

«Տարածաշրջանի «ամենաժողովրդավարական» երկրում ժողովրդի կյանքին ուղղակիորեն վերաբերող որևէ հարց այլևս չի քննարկվում ժողովրդի հետ։ Ժողովրդավարները ժողովրդի բարօրությանն առնչվող բոլոր հարցերը լուծում են իրար մեջ՝ փակ կաբինետներում՝ մարդկանց կանգնեցնելով փաստի առաջ։ Մուրճով, ինչպես և խոստացել էին։ Տրանսպորտի թանկացում, դեղերի դուրսգրում, բուհական շենքերի օտարում, թատրոնների փակում, նաև «մանր-մունր» հարցերը՝ երկրի անվտանգային կուրսի փոփոխություն, Թուրքիայի հետ բանակցություններ և այլն։ Արցախի հարցի շուրջ լռելը։ Ցանկը երկար է, բոլորդ գիտեք։ Առաջ գոնե նեղություն էին քաշում՝ Չոմսկու ասած ֆիկտիվ հանրային համաձայնություն էին նախապես ձևավորում, հիմա նույնիսկ դա են ալարում անել, կարևորը՝ հովանավորները գոհ են, հանրությունն էլ դե կդիմանա, էսքան բանի դիմացել է։
Բայց հանուն ինչի՞ դիմանալ։ Հանուն Նիկոլալենի՝ Երևանի կենտրոնով անվտանգ զբոսանքի՞։ Հանուն Նիկոլալենի անխաթար տրամադրությա՞ն։ Հայկական
«ամենաժողովրդավարության» էս ֆենոմենը կբացատրե՞ք»: