«ՆԱՏՕ-ն հավատարիմ է Ադրբեջանի, Հայաստանի և Վրաստանի հետ գործընկերությանը». Սթոլթենբերգ

ՆԱՏՕ-ի գլխավոր քարտուղար Յենս Սթոլթենբերգը վստահեցրել է, որ Հյուսիսատլանտյան դաշինքը հավատարիմ է Մոլդովայի, Ադրբեջանի, Հայաստանի և Վրաստանի հետ գործընկերային հարաբերություններին։ Այս մասին հաղորդում է «Ինտերֆաքսը»։

Փաստաթղթում առանձին բաժին է հատկացված Հարավային Կովկասի երեք պետություններին՝ Ադրբեջանին, Հայաստանին և Վրաստանին։

«ՆԱՏՕ-ն աջակցություն է հայտնել այս երեք գործընկերներից յուրաքանչյուրի տարածքային ամբողջականությանը, քաղաքական անկախությանը և ինքնիշխանությանը: ՆԱՏՕ-ն Հայաստանին և Ադրբեջանին կոչ է արել կառուցողական կերպով փոխգործակցել տարբեր ձևաչափերում և ընդգծել է հումանիտար խնդիրների լուծման կարևորությունը։ ՆԱՏՕ-ն նաև ձգտում է ավելի ամուր գործընկերային հարաբերություններ պահպանել Հայաստանի և Ադրբեջանի հետ՝ անհատական ​​գործընկերության ծրագրերի մշակման միջոցով»,- ասված է գլխավոր քարտուղարի զեկույցում։

Հավելենք, որ փաստաթղթում Վրաստանը նշվում է որպես «ՆԱՏՕ-ի ամենամոտ գործընկերներից մեկը», որը ձգտում է դառնալ դաշինքի անդամ։