«Թե ինչու են թավշյա իշխանավորները կատարյալ հիմարություններ դուրս տալիս». Արման Աբովյան

ԱԺ նախկին պատգամավոր Արման Աբովյանի ֆեյսբուքյան գրառումը. «Կարդում եմ, լսում ել, դիտում եմ թավշյա իշխանավորների արդարացումերը իրենց խելագար նախագծերը իրականացնելու կոնտեքստի ներքո և հասկանում եմ, թե ինչու սրանք կատարյալ հիմարություններ են դուրս տալիս։
Իրականում շատ դժվար է մարդկանց բացատրել, թե ինչո՞ւ պետք է զրկվեն տնից և, ի վերջո, Հայրենիքից։
Դժվար է բացատրել, որ թուրք-ադրբեջանական տանդեմին անընդհատ զիջելով պետության հիմնարար անվտանգային տարրերը՝ դրանով ապահովում են «երկրի անվտանգությունը»:
Դժվար է բացատրել, որ թուրքական յաթաղանը պաչելով, իբր, հնարավոր է պաշտպանել Հայաստանի ինքնիշխանությունն ու անկախությունը։
Բայց սրանց թրքամետ նարատիվների գլուխգործոց է հանդիսանում բացարձակ անտրամաբանական, սուտ, հակահայկական բարբաջանքը, թե իբր «Հայաստանը միջազգայնորեն ճանաչված սահմաններ չունի»։
Հանճարեղ է ուղղակի»: