«Քրիստոսը երբևէ քայլած ամենամեծ հեղափոխականն է». Փաշինյանն իր թիմի գործունեությունը համեմատել է Քրիստոսի գործունեության հետ

Ինչպես հայտնել ենք, մարտի 30-ին Արտաշատում կայացել է «Քաղաքացիական պայմանագիր» կուսակցության Նախաձեռնող խմբի նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։
Նիկոլ Փաշինյանը հանդես է եկել ելույթով, որի սկզբնամասում նշել է, թե իր համար Հիսուս Քրիստոսն առաջնորդի իդեալական կերպար է, երբևէ երկրագնդի վրա քայլած ամենամեծ հեղափոխականը: «Նա երկրագնդի վրա շատ բան է փոխել երբեմն՝ թվացյալ պարտությունից հետո կամ հենց դրա միջոցով: Ես երբեմն այս բանաձևն ասոցացնում եմ մեր քաղաքական գործունեության և մեր կուսակցության հետ: Մեր քաղաքական առաքելությունն էլ բազմիցս մեռել է և բազմիցս հառնել է: Ես սրա մեջ մեծ խորհուրդ եմ տեսնում»,- նշել է Փաշինյանը: