Ինչո՞ւ է լռում Ռոբերտ Քոչարյանը

ՀՀ երկրորդ նախագահի որդին՝ «Հայաստան» խմբակցության պատգամավոր Լևոն Քոչարյանը, «Պոլիտիկ»-ի եթերում պատասխանելով հարցին՝ ինչո՞ւ է լռում Ռոբերտ Քոչարյանը, ասել է. «2018-ից սկսած՝ նա լուռ չի եղել, հետո իր դեմ քրգործ սկսվեց, իրավական աբսուրդ: Եթե հետ գնանք, եղավ այն, ինչի մասին խոսվում էր: Հետո եղավ ցավալի պատերազմ, հայրենիքի փրկության շարժում, ընտրություններ: Դրանից հետո ևս կար ակտիվություն՝ մամուլի ասուլիսներ, հարցազրույցներ, որտեղ ներկայացնում էինք սպասվող վտանգները: Այդ ակտիվության ժամանակ կար զուգահեռ քննադատություն, թե իր ակտիվ լինելով՝ դաշտը փակ է մնում քաղաքական մյուս գործիչների համար: Ինչ-որ գործընթացներից հետո իր որոշումն էր հանրային պասիվությունը, բայց մնացած գործընթացներում նա միշտ ակտիվ է՝ թե՛ խմբակցության, թե՛ քաղաքական, հասարակական գործիչների հետ հանդիպումներում, թե՛ արտաքին շփումներում: Իսկ ապրիլի 24-ին նա ասաց այն, ինչ մտածում էր: Այլ բան չունեմ ավելացնելու»,- հայտարարել է Լևոն Քոչարյանը: