Երկուշաբթի, 23 փետրվարի, 2026 թ.
|
Ստեփանակերտում`   +4 °C

Արարատ Միրզոյանն ԱԺ կգնա. ի՞նչ է քննարկվելու. «Ժողովուրդ»

Արարատ Միրզոյանն ԱԺ կգնա. ի՞նչ է քննարկվելու. «Ժողովուրդ»
161
Երեքշաբթի, 04 հունիսի, 2024 թ., 09:00

«Ժողովուրդ» օրաթերթը գրում է. «Այսօր արտգործնախարար Արարատ Միրզոյանը կգնա խորհրդարան: Ինչպես հայտնի է, այս շաբաթ ԱԺ գլխադասային հանձնաժողովներում 2023թ-ի պետական բյուջեի հաշվետվության քննարկումներն են ընթանում: Նախարարները, ուժային կառույցների ու պետական կառույցների ղեկավարները կամ ներկայացուցիչները գալիս են ԱԺ՝ յուրաքանչյուրն իր ոլորտի զեկույցը ներկայացնելու: Ահա այսօր, հերթը Արարատ Միրզոյանինն է՝ ԱԺ-ում հաշվետվությունը ներկայացնելու: Հիշեցնենք, որ հանձնաժողովներում 2023թ-ի պետական բյուջեի հաշվետվության քննարկումից հետո այն նաև ԱԺ քառօրյա նիստերին է քննարկվելու՝ կրկին վարչապետի և նախարարների մասնակցությամբ: Նշենք, որ Արարատ Միրզոյանը նախորդ շաբաթ ևս ԱԺ էր եկել՝ ՔՊ-ի հետ փակ հանդիպման»։