«Խնդրանքս էր, որ սև՝ գերեզմանային գույնի տրամաբանությունը չունենանք». Ավինյանը՝ ցուցանակների մասին

Մայրաքաղաքի փողոցների ցուցանակները նոր ձևավորմամբ ցուցանակներով փոխարինելու աշխատանքների մասին հարցի քննարկման ժամանակ զեկուցվեց, որ Թումանյան փողոցում տեղադրվել են նորերը. «Եթե գույնի հետ կապված նորմալ է, շարունակենք»: Քաղաքապետ Տիգրան Ավինյանն ասաց. «Ընդամենը խնդրանքս էր, որ սև՝ գերեզմանային գույնի տրամաբանությունը չունենանք»: Փոխքաղաքապետ Սուրեն Գրիգորյանը նշեց. «Տառերի գրվածքը ոսկեգույնի ու սևի համադրություն էր, հիմա փոփոխվել է»: