Այսօր ՀՀ Սահմանադրության օրն է

Համաժողովրդական հանրաքվեի միջոցով ՀՀ մայր օրենքն ընդունվել է 1995-ի հուլիսի 5-ին: Սահմանադրությունն ունի 9 գլուխ և 117 հոդված: Դրանցից առաջին երկուսն ու 114-րդ հոդվածները փոփոխման ենթակա չեն:

Սահմանադրության ընդունումից հետո հուլիսի 5-ը դարձավ պետական տոն՝ Սահմանադրության օր։ Այն ոչ աշխատանքային օր է։

Սահմանադրությամբ ամրագրված է Հայաստանի Հանրապետության բնույթը՝ որպես ինքնիշխան, ժողովրդավարական, իրավական և սոցիալական պետության։ Այնտեղ ներկայացված են մարդու և քաղաքացու հիմնական իրավունքներն ու ազատությունները, սահմանված՝ հանրապետության կառավարման ձևը՝ հիմնված օրենսդիր, գործադիր և դատական իշխանությունների տարանջատման սկզբունքի վրա։