Տիգրան Թորոսյանը և Խոսրով Հարությունյանը անձնական երաշխավորություններ են ներկայացրել

ՀՀ հակակոռուպցիոն դատարանում այսօր քննվում է Արմեն Աշոտյանի խափանման միջոցի հարցը։ ԱԺ նախկին նախագահներ Տիգրան Թորոսյանը և Խոսրով Հարությունյանը անձնական երաշխավորություններ ներկայացրեցին․ «Ինձ ոչ ոք չի դիմել, ես եմ անընդհատ անհանգստացրել իմ գործընկերներին»,-դատարանում ասաց Խոսրով Հարությունյանը՝ նշելով, որ ինքը Արմեն Աշոտյանի հետ երկար ու կարևոր ճանապարհ է անցել ու իր հեղինակության ձևավորման հարցում նաև Արմեն Աշոտյանն է մեծ նպաստ ունեցել։

Տիգրան Թորոսյանն իր խոսքում նկատեց, որ կալանքը ծայրահեղ խափանման միջոց է, բայց այստեղ որևէ մեկի մեղքը դեռ չի հաստատվել։ «Մեր կյանքը կարգավորվում է ոչ միայն իրավական նորմերով, այլ բարոյական նորմերով, արժեքներով և սկզբունքներով »,-ասաց նա։