«Թրամփը հաղթելու է, ու մենք բոլորով ենք քաշվելու». Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը․ «Հերթական հավաքի ժամանակ Թրամպի վրա կրակել են, գլխից թեթև վիրավորվել է: Եթե Թրամպին ֆիզիկապես շարքից չհանեն, նա կրկին ընտրվելու է: Հայկական քաղաքական վերլուծաբան կոչված դաշտում ձեզ շարունակաբար խաբում են (կամ էլ իրենք էլ չեն հասկանում), որ նա չի ընտրվելու, որովհետև քրեական գործեր, ևն:
Նրան ընտրելու են և լինելու է առաջին ԱՄՆ նախագահը ում հանդեպ կա դատարանի մեղադրական վճիռներ, բայց միևնույն է, մեծ մասն իրեն է ընտրում:
Թրամպի ընտրվելով ԱՄՆ-ի քաղաքացիների համար ավելի լավ է լինելու:
Ես հետևում եմ ԱՄՆ-ի քաղաքական դաշտի զարգացումներին, քանի որ դա մեզ վրա էլ է ազդում: Թրամպը չի ուզում ԱՄՆ-ի՝ աշխարհի ոստիկանի դերակատարումը, հետևաբար, նա հետ է քաշվելու և արտաքին աշխարհի գրեթե բոլոր ներգրավվածությունները պասիվանալու են: Ներկայի կառավարությունը, որ շատ մեծ աջակցություն ունի ԱՄՆ-ից, հավանաբար այդ նույն աջակցությունը չի ունենա Թրամպի օրոք: Սա ինչքան էլ լավ է այս իշխանության թուլացման առումով, վատ է, որ սրանք հույսները դրել են արևմուտքի վրա, իսկ արևմուտքը (չնայած որ հավաքական արևմուտք չկա, սա ասելով ավելի շատ նկատի ունեմ ԱՄՆ, Ֆրանսիա և ԵՄ) իր հաշվարկներն ունի, և ստացվելու է այնպես, որ հերթական անգամ մենք բոլորով ենք քաշվելու:
Սա, օրինակ, կարող է նշանակել, որ ԱՄՆ-ի՝ Ադրբեջանին զսպող դերը կվերանա, և սրանք ավելի սանձարձակ կլինեն այս իշխանության հանդեպ պահանջներ դնելու գործում և վերջինիս միջոցով հայ ժողովրդի հաշվին դրանք բավարարելու գործում»։