«Հայաստանի բանկերը հրաժարվել են բացել հիմնադրամ` մեր գործունեության համար». Բագրատ Սրբազան

«Գրանցել էինք հիմնադրամ կամ ՀԿ, մեր դրամահավաք-ֆինանսական միջոցների կենտրոնացման իմաստով: Մինչև հիմա նրանք, ովքեր մասնակցել են, իրենց միջոցներով, առանց կենտրոնացված լինելու, արել են: Բայց մենք որոշեցինք, որ ավելի կազմակերպչական իմաստով առաջ գնալու, աջակցության ընթացքը տեսնելու առումով շատ կարևոր է թափանցիկ, բաց նյութական միջոցների ապահավումը: Նյութական միջոցները շատ կարևոր են գործունեության համար, ոչ մի գաղտնիք այստեղ չկա:

Այդուհանդերձ, Հայաստանում գտնվող բանկերը մերժել են բացել պարզ հիմնադրամ՝ գործելու համար: Ես հարցրել, ասել եմ՝ բա լավ, լիքը ընդդիմադիր կուսակցություն կա, ինչպե՞ս են բացել հաշիվները, ի՞նչ սկզբունքով, բա իրենց ինչո՞ւ չեն արգելել:

Ինչո՞ւ են մեզնից վախենում: Բանկեր, դուք, որ գիտեք, որ չեք բացել, ինչի՞ց եք վախեցել, ձեր փողե՞րն եք կորցնելու: Դուք զուտ հանրությանը տնետեսապես ծառայելու միջոց եք, ավելին չեք: Փոխանակ ուրիշները վախենան բանկերից, իրենք են վախենում»,- Սուրբ Աննայի բակում տեղեկացրեց Բագրատ Սրբազանը: