«Սեպտեմբերի սկզբին մեծ հավաք ենք ունենալու»․ շարժման առաջնորդ

«Մեր մեթոդը, մարտավարությունը մի քիչ փոխված է, որոշել ենք այլ ճանապարհով գնալ։ Շատ մանրամասներ չեմ ասի, պարզապես մինչև սեպտեմբեր հավաքագրման շրջան է»,- Նորատուսի եկեղեցու բակում, բնակիչների հետ հանդիպման ժամանակ, ասել է Բագրատ Սրբազանը։ «Սեպտեմբերի սկզբին մեծ հավաք ենք ունենալու՝ կարևոր հավաք, կարևոր ուղերձներով, թե ինչ ճանապարհով ենք առաջ գնալու»,- նշել է նա՝ հավելելով․ «Ընկրկելու, հուսահատվելու տեղ չկա։ Այս պայքարը կմեռնի միայն այն ժամանակ, երբ ես և մեզնից յուրաքանչյուրը մեռած կլինենք»։