Եթովպիայում սողանքի զոհերի թիվը կարող է հասնել 500-ի

3349

Հինգշաբթի, 25 հուլիսի, 2024 թ., 18:42

ՄԱԿ-ը նշում է, որ Եթովպիայում սողանքի զոհերի թիվը կարող է հասնել 500-ի:
Եթովպիայի հարավում գտնվող դժվարամատչելի տարածքում հուլիսի 22-ին տեղի ունեցած սողանքի հետևանքով զոհերի թիվն արդեն հասել է 257-ի և կարող է հասնել 500-ի, հաղորդում է ՄԱԿ-ի հումանիտար հարցերի համակարգման գրասենյակը։

«Ըստ տեղական իշխանությունների տրամադրած տեղեկատվության՝ ակնկալվում է, որ զոհերի թիվը կհասնի 500-ի»,- մեջբերում է ՄԱԿ-ի Agence France-Presse-ը։

Նշվում է, որ փրկարարական աշխատանքները շարունակվում են։

Նախկինում հայտարարվել էր մահվան 229 դեպքի մասին։

Սողանքը տեղի է ունեցել երկրի հարավում՝ Գեզե-Գոֆա շրջանում։ Եթովպիայում այժմ անձրևների սեզոն է, որը սկսվել է հուլիսին և սպասվում է, որ կտևի մինչև սեպտեմբերի կեսերը: Անդադար անձրևը երբեմն սողանքներ է առաջացնում Արևելյան Աֆրիկայի այս երկրի որոշ հատվածներում: