Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Հայաստանի թիվ մեկ խնդիրը լինելու է ժողովրդագրությունը». Թաթուլ Հակոբյան

«Հայաստանի թիվ մեկ խնդիրը լինելու է ժողովրդագրությունը». Թաթուլ Հակոբյան
177
Երկուշաբթի, 29 հուլիսի, 2024 թ., 09:18

Լրագրող Թաթուլ Հակոբյանի ֆեյսբուքյան գրառումը․ «Բոլորովին վերջերս երեկոյան կողմ նստած եմ բալկոնում՝ կարդում եմ:
Դիմացից մի քանի տղամարդ են գալիս՝ բարձր խոսելով: Դիմացը Ադրբեջանն է, բայց հասկանալի է, որ չեն կարող լինել ադրբեջանցիներ:
Լեզուն հայերենը չէ, տղամարդկանց դեմքն ու տեսքը՝ հայկական չէ:
Ականջիս մեջ ծանոթ լեզու եմ զգում, որոշ բառեր՝ հասկանում, քանի որ ականջներս լիքն են պարսկերեն բառերով, 28 անգամ եղել եմ Իրանում:
Պարզվեց պարսիկներ են: Հետո իմացա, որ մեր գյուղում հաստատվել են 10-15 պարսիկներ, որոնք աշխատողներն են Հայաստանի կառավարության ֆինանսավորումով գյուղում կառուցվող նոր դպրոցում:
Մի օր հարցրեցի նրանցից մեկի ազգությունը, ասաց, որ քուրդ է՝ իրանական Քորդիստանից: Բոլորը խոսում են պարսկերեն: Շատ հանգիստ մարդիկ են: Նրանց երեկոյան կարելի է տեսնել գյուղի այգում: Տեղացիների հետ շփվում են գուգլ-թրանսլեյթով: Հաստատվել են իմ հայրականս տան դիմացի տանը, որի տղաներից մեկը զոհվել է 1990-ական թթ, մյուսը՝ Ուկրաինայում է, երրերդը՝ Վանաձորում...
Մեր գյուղի գրեթե բոլոր երիտասարդները աշխատում են Երևանում կամ արդեն տարիներ է, որ հեռացել են Հայաստանից:
Հայաստանի թիվ մեկ խնդիրը այսօր և առաջիկայում լինելու է ժողովրդագրությունը, մաշվող ու դատարկվող սահմանային բնակավայրերը...
Մենք պարտվում ենք:
Եթե 1920-ին Հայաստանն ուներ 800 հազար բնակիչ, ապա 1989-ին՝ 3,5 միլիոն: Այսինքն՝ 70 տարում բնակչության թիվը քառապատկվեց:
Այսօր ՀՀ-ում 3 միլիոնից պակաս մարդ է ապրում, իսկ Երևանը շարունակում է կլանել ու դատարկել սահմանային գյուղերը»:

Աղբյուրը`   Թաթուլ Հակոբյան