«Աշխարհի ոչ մի երկրում պետական խորհրդանիշի նման աղճատում գոյություն չունի». Էդգար Ղազարյան

«Օլիմպիական հավաքականի համազգեստի վրա աղճատված է զինանշանը: Զինանշանը կիսված է՝ արծիվը մի կողմի վրա է, առյուծը՝ մյուս, վահանը, որի վրա Արարատ լեռն է ու պատմական Հայաստանի խորհրդանիշը, հանել են, դրել համազգեստի թևերի վրա»,- «Հայելի» ակումբում ասուլիսի ժամանակ ասել է հասարակական, քաղաքական գործիչ Էդգար Ղազարյանը: «Ոչ մի ուրիշ երկրում չի կարող պետության խորհրդանիշը դառնալ դիզայնի առարկա, ու դրա հետ նենց վարվեն, որ լրիվ համապատասխանի վարչապետի ասածներին՝ պատմական Հայաստանի նշանները չլինեն, Արարատ լեռը չլինի, մնա արծիվն ու առյուծը, այն էլ՝ մասնատված՝ թևի տակ: Աշխարհի ոչ մի երկրի համազգեստի վրա իրենց պետական խորհրդանիշի նման աղճատում գոյություն չունի»,- նշել է Ղազարյանը: