«Ոչ դրական վերաբերմունք կա արցախցիների նկատմամբ»․ Սերգեյ Հարությունյան

«Ցավոք սրտի մենք տեսնում ենք, որ երկրում, հատկապես իրավապահ մարմինների որոշ աշխատակիցների մոտ կա ինչ-որ առանձնահատուկ, ոչ դրական վերաբերմունք արցախցիների նկատմամբ»,- նշեց փաստաբան Սերգեյ Հարությունյանը ABC Media-ի լրագրողի հետ զրույցի ժամանակ՝ ասելով, որ առաջին հերթին հենց դրա համար է շտապել Արաբկիրի բաժին, որտեղ գտնվում էր պարեկային ծառայողների կողմից ծեծի ենթարկված արցախցին։ «Իրավապահ մարմինները ավելի ճիշտ կանեն զբաղվեն իրական հանցագործներով։ Ընդամենը պետք էր մի քիչ ավելի պրոֆեսիոնալ մոտեցում ցույց տալ, և, այսօր բոլորը կզբաղվեին այլ հանցագործների փնտրելով, բերման ենթարկելով, ոչ թե պարկեշտ, բարձրագույն կրթությունով մարդկանց բերման ենթարկելով՝ հատուկ միջոցների կիրառմամբ»,- հավելեց փաստաբանը։