Երկուշաբթի, 23 մարտի, 2026 թ.
|
Ստեփանակերտում`   +13 °C

«Ռուսաստանի ղեկավարության և ՀՀ նոր դեսպանի միջև որևէ վստահություն չի լինի». Զատուլին

«Ռուսաստանի ղեկավարության և ՀՀ նոր դեսպանի միջև որևէ վստահություն չի լինի». Զատուլին
930
Ուրբաթ, 16 օգոստոսի, 2024 թ., 13:42

ՌԴ-ում ՀՀ նոր դեսպան է նշանակվել ԱԺ նախկին պատգամավոր Գուրգեն Արսենյանը, գրում է NEWS.ru-ն։ Ըստ լրատվամիջոցի՝ նշանակումը միտված է մեղմելու Հայաստան-Ռուսաստան հարաբերություններում առկա լարվածությունը։ Լրատվամիջոցը նշում է, որ Արսենյանն ավելի վաղ հակառուսական հայտարարություններ է թույլ տվել և հաճոյախոսել Թուրքիայի հասցեին։

Ավելի վաղ ՀՀ նախագահի հրամանագրով հետ էր կանչվել դեսպան Վաղարշակ Հարությունյանը, ով որևէ մեկնաբանություն չէր տվել՝ վկայակոչելով դիվանագիտական էթիկան:

«Արսենյանը հոգով և տրամադրվածությամբ ավելի մոտ է Փաշինյանին, քան հեռացող դեսպանը»,- ասել է Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը։ Նրա կարծիքով՝ Հարությունյանին վարչապետի թիմ էին բերել բացառապես Ռուսաստանի բարեկամի համբավով, որպեսզի Երևանի արտաքին քաղաքական գծի աստիճանական փոփոխությունը «քողարկեն» Մոսկվայում նրա ներկայության փաստով։ «Պատճառ չեմ տեսնում Ռուսաստանի ղեկավարության և Փաշինյանի դաշնակից նոր դեսպանի միջև որևէ վստահության ի հայտ գալու համար։ Ձևական քաղաքավարությունը, իհարկե, կպահպանվի, բայց ոչ ավելին»,- վստահ է Զատուլինը։