«Պուտինը ջանում է սիրաշահել Ալիևին»․ Կարեն Հովհաննիսյան

Ռազմական փորձագետ Կարեն Հովհաննիսյանի ֆեյսբուքյան գրառումը․ «ՌԴ-ից շատ արագ արձագանք եկավ մեր «Հայոց Պատմություն» առարկայի դասագրքում տեղ գտած «բռնակցում» տերմինի մասով։ Հետաքրքիր է, Պուտինը գիտի՞, որ Ադրբեջանի պատմության դասագրքերում Ռուսաստանի կայսրությունը ներկայացված է որպես թշնամի երկիր, որպես գաղութարար, որպես հալածողներ։ Պուտինը ջանում է սիրաշահել Ալիևին, որպեսզի ճակատ չբացի, տարածք չտրամադրի Իրանի դեմ Իսրայելի հնարավոր հարձակման դեպքում, միևնույն ժամանակ կորցնում է ՌԴ-ի դարեր շարունակ ավանդաբար այս տարածաշրջանում երբեմնի լեզվական, մշակույթային, ուժային ներկայացվածությունը։ Ադրբեջանի դեպքում կորցրել է վաղուց, երբ Ադրբեջանը հրաժարվեց կիրիլատառ այբուբենից և անցում կատարեց լատինատառ այբուբենին։ Ամեն դեպքում, Ադրբեջանում Պուտինը Ալիևի հետ մեկ թեմա ունի խոսալու, քննարկելու, որ Իսրայելին տարածք չտրամադրի, մնացած թեմանները պետք է քննարկի այն պետության հետ, ում վերահսկողության տակ է հայտնվել Ադրբեջանը, դա Թուրքիան է»։